PAMILYA SANG SENIOR CITIZEN KAG SUSPEK NGA NAKA SIDE SWIPED MAY YARA NA SANG PAG-INISTORYAHANAY
May yara na sang inisyal nga pag-inistoryahanay ang pamilya sang Senior Citizen kag suspetsado nga naka side swiped sa Brgy. Camingawan, Kabankalan City, alas 5:45 sang hapon, Lunes, Pebrero 24, 2025.
Ginkilala ang biktima kay Marcelino Largo y Manghino, 62-anyos, residente sang Brgy. Hagtu, Mabinay samtang ang suspetsado naman ang ginkilala kay Reynaldo Obligado y Cruz, 43-anyos, residente sang Sitio Maagay, Inarawan, Antipolo City.
Sa interview sang Life Radio kay PCPT Sammy Gasataya, Deputy Chief of Police sang Kabankalan Component City Police Station, ginpahayag sini nga may yara na sang pag-istoryahanay ang magkatuhay nga bahin.
Madumduman nga base sa imbestigasyon sang kapulisan si Largo ang nagamaneho sang RUSI 100 nga tricycle ang ginasundan ni Obligado nga nagamaneho sang Isuzu Wing Van gikan sa Barangay Camingawan kag padulong sa Mabinay sang hinali nalang ini nga nag overtake kag nasagaid ang biktima.
Gilayon man ini nga na-intercept ang Wing Van sa Brgy. Pandanon, Mabinay apang wala ini nakabalo nga may nasagaid ini.
No Comments Yet...